Twitter

На традиционалното и јубилејно 40-то искачување на Титов врв (2.747 мнв) во организација на планинарскиот клуб „Љуботен”, што се одржа вчера, недела, подвигот им успеа на околу 50-тина планинари меѓу коии членови на ПСК „Двете уши“ од Гевгелија.

Походот го започнаа вкупно 200 планинари од повеќе планинарски клубови во државата, утрински во 6:30 часот. Најбрзите 50-тина стигнале до Титов врв обвиен во магла. Меѓу нив и 7 членови од ПСК „Двете Уши“ и еден нивен гостински член на екипата од Неготино. Поради невремето кое што вчера го зафати тетовскиот регион, со обилни врнежи од дожд, град и ветер, од организаторите на останатите од групата што тргнаа кон врвот согласно планинарски пропозиции им беше препорачано да го прекинат искачувањето.

- „Првата побрза група која стигна до Титов врв, предводена од Надир Мурсели, алармираше дека е лошо времето на врвот. Остатокот од групата беше месноста Седло и поради лошите временски услови мораше тука да се прекине искачувањето. Имавме среќа што невремето не фати ниско долу на враќање од Вакуф кон Попова Шапка. Сите 200 луѓе живи и здрави се вратија назад на Попова Шапка со што можеме да кажеме дека успешно се организиравме и покрај лошите временски услови“, изјави Јован Божиновски, претседател на ПК „Љуботен”.

На акцијата учествуваа вкупно 13 лица екипно од ПСК „Двете уши“ од Гевгелија, (12 членови на ПСК ДВЕТЕ УШИ и едно лице гостин на клубот од Неготино), Титов врв го искачија 7 членови и гостинскиот учесник од Неготино, а 5 членови се вратија заради прекинот на акцијата.
Ова беше 48-ма акција на гевгелиските планинари од „Двете уши“ во оваа 2022 година.

Видео од невремето кое ги дочека планинарите на патеката, од „Двете уши“ велат: „Дождот дојде во облик на топчиња мраз и со моќните звуци на грмотевицата...“