Twitter

Пролетта се буди, но и креативноста на децата во ООУ „Ристо Шуклев“ кои сами со свои раце, а под менторство на наставничката Анамарија Митриќеска Кал'чева го реализираа проектот „Едукативна декорација на училиштето“ .
Разубавувањето започна како проект поддржан од Програмата за култура на Општина Гевгелија за 2021 година, а почна со реализација во септември и се' уште трае.Учениците доброволно, работно, со свои креации учествуваат во проектот и го разубавуваат училишниот простор за сите ученици од училиштето во Негорци.
Така беше и оваа недела кога 23 ученика од четири одделенија од 7, 8 и 9-то одделение се приклучија под менторство на наставничката Кал'чева и реализираа нови креативно-едукативно исполнети бели простори од нивното училиште: ѕидови, ходници, скалила, пристапни рампи, влез на кабинети, школскиот двор.

Ако го пуштите срцето да гледа ќе видите многу детски труд, сакање и знаење, зошто ,,Само со срцето добро се гледа" (реплика од книгата за деца ,,Малиот принц").
- „Четки, бои, малку фантазија и многу љубов- резултатот е видлив од галеријата подолу. Едукативни содржини од сите области: математика, јазична писменост, природни науки, географија, музика, спорт, уметност“ - напиша на социјалните мрежи од училиштето. 

Во проектот учествуваа ученици од VIII-a, VIII-б и IX одделение, и тоа: Павле, Верица, Душица, Живко, Валерија, Виолета, Марија, (VIII-a), потоа Мартина, Стефанија, Лабина, Китијан, Анастасија, Магдалена, Методи, Софија, Глигор, Симона, Моника, Јани (VIII-б), Елена, Филип, Лидија (IX одд.) и Благоја. А. од VII одделение.

ФОТО ГАлерија: Ваков амбиент ќе ги дочека понеделнички учениците и наставниците во ООУ „Ристо Шуклев“ Негорци.