Twitter

Највисокиот чин на хуманост на граѓаните- крводарувањето ќе биде цел на првата крводарителска акција за 2022 што ја организира Црвениот Крст на Гевгелија заедно со Клубот на младите од Општинската организација за Гевгелија.

Целта е да се обезбедат неопходните дневни, месечни количини од драгоцената течност која спасува човечки живот, а за која нема замена освен донирањето од хумани здрави луѓе, поединци.

За таа цел, и годинава, како дел од своите програмски содржини, Општинската организација на Црвен крст Гевгелија најавува организирање на граѓанска крводарителска акција на ден 26.01.2022 год. (среда) во просториите на Народниот театар Гевгелија во периодот од 10 до 14 часот.
Се повикуваат сите граѓани кои се во добра здравствена состојба и имаат желба да се приклучат на армијата крводарители од нашиот крај да дојдат во закажаниот термин на акцијата и да го остварат својот највисок чин на хуманоста, повикуваат од ОО на ЦК Гевгелија.

Крводарувањето е доброволно и крв може да дарува секое здраво лице на возраст од 18-65 години. Мажите даруваат на секои 3 месеци, а жените на секои 4 месеци.

Крводарувањето како индивидуален чин на крводарителот поединец е безбедно и не е поврзано со пандемијата на Ковид - 19! За своја лична заштита и заштита на своите блиски препорачано е да се почитуваат препораките дадени од Министерството за здравство (носење на заштитна опрема и 1,5 метри физичка дистанца).