Тoмитка - гевгелиски првак во читање книги

Понеделник, 10 Јануари 2022

Томитка Раданлиева од Гевгелија направи несекојдневен потфат во изминатата година, читајќи вкупно 438 книги, што е за поздравување. Таа во разговор за „Фокус“ раскажа за нејзината љубов кон книгите, кои и се најверен другар кога живееме во време на пандемија и контактите е препорачливо да ги сведеме на минимум.

- „Читам книги од малечка, уште од предучилишна возраст – ги читав сликовниците со помош на мојата баба. Потоа, љубовта кон книгите ја засадија моите учителки, наставници и професори во основното и средното училиште. Секогаш ги читав лектирите и делата, а некои ги читав и по повеќе пати. Така, читав секогаш кога имав слободно време, после училиште, или кога ќе завршев со работа. Кога станав мајка, добив многу нови обврски, но, времето за читање книги ми беше се‘ помало и помало. Пред три години, заради здравствени проблеми ја прекинав работата која ја работев долги години и започнав активно и постојано да читам книги“, го започна разговорот Раданлиева.

Зачленувањето во книжевните групи на социјалните мрежи дополнително ја поттикнале да се „зарази“ со книгите кои секојдневно и прават друштво.

-„Кога не смеете да движите многу и кога цел ден треба да го поминете лежејќи, нема што друго да се прави. Само лежам и читам, а тоа е се' што ме исполнува. Прочитаните книги не ги гледам како бројка, туку само водам евиденција за тоа што сум го прочитала. Си имав зададено да прочитам околу 350 книги, но, тоа беше само уште еден предизвик за мене. Можам да кажам дека читав постојано во денот, ете, без основните дневни потреби, околу 12 до 15 часа. Најчесто читам по повеќе книги во исто време, па некогаш во ист ден завршувам со читање на две до три книги, секако, ако се со помал број на страници“, го продолжи разговорот таа.

И покрај големата бројка на прочитани книги, Раданлиева се потруди да ги одбере најдобрите три прочитани за изминатата 2021-ва година.

- „Прва е „Татковина“ од Фернандо Арамбуру. Историска фикција која опишува две премногу блиски шпански семејства, кои се замразиле поради политички конфликт со појавата на паравоената организација ЕТА. Арамбуру заслужено е еден од најнаградуваните шпански автори, со прекрасни приказни зад себе.
Втора е „Убиј го таткото“ од Сандроне Дациери. Во оваа книга се зборува за Данте Торе, кој поминал 11 години затворен во силос од бетонски ѕидови, од човек познат како „Таткото“. Данте му побегнал на киднаперот, но по неколку години, како вработен во полицијата, Данте дознал за случај кој упатува кон Таткото, кој сакал повторна средба со него.

Трета за 2021 – ва година би ја издвоила историската фикција „Запишано во ѕвездите“ од Паринуш Сание. Можам да кажам дека е многу повеќе од една љубовна драма, бидејќи овде се опишани традициите во Иран, за судбината на жените и нивните големи страдања. Ги сакам книгите кадешто се опишани традициите на разни култури, а оваа книга дефинитивно ќе ја паметам уште долго“, го заврши разговорот нашата соговорничка.

Автор: Јорданчо Цветаноски
Извор: Фокус

 

Last modified on Понеделник, 10 Јануари 2022 - 19:46

.

.


ПОСЛЕДНИ ВЕСТИ:

Пресудa за „ТНT“: 9 години затвор за Груевски, 3 години за Јанакиески

Кривичниот суд во Скопје денеска изрече затворски казни за обвинетите во

Повеќе

Заедничка Литургија на: МПЦ-ОА и СПЦ во Белград

Во храмот Свети Сава во Белград изутринава се одржа неколкучасовна литургија на

Повеќе

Пожар во воз на МЖ кој сообраќал кон Гевгелија

Пожар во локомотива на Македонски железници избувна вчера, во возот, кој

Повеќе

IN MEMORIAM: Никола Гелебешев - голманската легенда на ФК „Кожуф“

Скротителот на бубамарата низ зелените терени во настапите на ФК „Кожуф“ -

Повеќе

77 години СОУ „Ј.Јосифовски“ Гевгелија

СОУ „Јосиф Јосифовски“ од Гевгелија го одбележа патрониот ден. Со низа

Повеќе

Лишен од слобода 52 годишен гевгеличанец

Вчера попладне, на 12.05.2022 во 15.15 часот полициски службеници од ОВР

Повеќе

Поставен камен темелник на нов продажен центар на Мебел-Ви во Струмица

Македонскиот гигант во индустријата со мебел „Мебел - ВИ“ од Виница се

Повеќе

Општина Гевгелија и УНХЦР со помош за социјално-ранливите семејства

Моника Сандри, претставничката на УНХЦР во нашата земја при вчерашната посета

Повеќе

Златен медал за МК на Балканската математичка Олимпијада

Историски успех – Македонските средношколци се враќаат со златен медал од

Повеќе

Ковачевски: Ова е признание за вековното постоење на МПЦ-ОА

Премиерот Димитар Ковачевски денеска оствари средба со архиепископот охридски и

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.