Twitter

Не им е исто на илјадници стечајци кои за прв пат во животот се згрижени од државата и добиваат надомест.

Не е исто за стотици деца кои заради деинституционализацијата не живеат во гнили домови кои не им даваат ни шанса за нормален живот.

Не им е исто на културните работници кои со колективниот договор и нивелирањето на платите се успристоија без да бидат на работ на егзистенцијата дури и кога не играат престави затоа што короната испразни сали.

Не е исто за наставниците, медицинските сестри и лекарите, воспитувачите и негувателките, кои со покачѕвањата на платите осетија што значи социјална сигурност и раст.
Не им е исто на социјалните пензионери на кои им недостигаа години стаж кои на стари години немаше да ги оставрат за да остварат право на пензија.
Не е исто примателите на социјална помош со 300% повисок социјален надомест.
Не е исто за стотици компании кои беа поддржани да работат и илјадници сочувани работни места во услови на економска криза заради пандемијата.
Не им е исто на лбгти припадниците кои денеска ги штити закон.
Не им е исто на земјоделците кои не се тресат за пласман со притисок од неисплатени субвенции со години.

Не им е исто на рударите кои го остварија долго бараното право да одат порано во пензија поради тешката дејност.
Не им е исто на припадниците на Армијата кои конечно законски се решени после својата служба наместо да се оставени да се снаоѓаат по улици.
Не е исто за лицата со попреченост и нивните семејства кои конечно системот ги препознава.

Не им е исто на оние што чекаа срцеви трансплантации во странство. Не им е исто на оние за чии ретки болести се наоѓаше лек само во странство.
Не им е исто на пензионерите чија пензија гарантирано стига во првата недела од месецот, и која има континуиран раст. Не е исто за државата која не мора да се задолжува за да ги исплати овие пензии.
Не им е исто на родителите на децата кои за прв пат им одат во градинки во периферијата и не мора да возат километри за да ги згрижат.
Не е исто за оние кои примаат минимална плата. Особено не е исто за оние со кожарска и текстилна минимална плата. И норма или учинок.
Воопшто не е исто.

Дали е ова доволно? Не.
Дали може повеќе? Да.
Дали треба да запре тука? Не.
Дали е ова сè? Ни приближно.
Дали ова беше лесно? Не.
Дали ова ќе исчезне ако власта нема социјална димензија? Да.

И затоа не е исто!

Aвтор: Зоран Бојаровски