Twitter

Тина Тарнер за својот документарен филм за животот, бракоразводот, за богатата музичка кариера од Асоцијацијата за доделување на „ЕМИ“ наградите вчера официјално доби три номинации, вклучително и во категоријата за најдобар специјален документарец

Таа на социјалните мрежи им честиташе на филммејкерите за трудот да го отсликат нејзиниот живот на филмската лента, па напиша:

„Мојот живот. Мојата приказна. Честитки за #TinaFilm и режисерите Дан Линдзи и Т.J. Мартин за 3 номинации за „Еми“, вклучително и за извонреден специјален документарец.

Тина Тарнер има 81 година и откако се избори за опоравување после преживеан мозочен удар, вртоглавица, рак, трансплантација на бубрег и загуба на нејзиниот најстар син, таа сè уште се насмевнува и ни покажува дека отровот можеме да го претвориме во лек.

Со извонредни сценски перформанси во кои доминира нејзиниот динамичен танц и со глас што го плени светот Тина Тарнер оствари близу 60 годишна музичка кариера. изведувајќи 8 светски соло-турнеи и со над 260 милиони продадени плочи доби почесно место како соло уметник во светската музичка историја.

Тина Тарнер е дел од поставките во Домот на славните во рокенролот.

- „Апсолутно сум воодушевена што сум вклучена во Домот на славните во рокенролот меѓу толку неверојатни уметници! Ви благодарам за целата ваша постојана љубов и поддршка низ годините! Ве сака, Тина“ - напиша таа на социјалните мрежи.

Еве го нејзиниот фејсбук пост во кој искажува задоволство од успехот на „ТИНА“.