Топ Новости

Тензиите во постизборна Северна Македонија ги виде само „Србија данас“

Недела, 26 Јули 2020

Пишува: Оливера Војновска 

Интернет платформата Srbijadanas.com излезе со прилично проблематичен, спектакуларен наслов: ТЕНЗИИ ВО СЕВЕРНА МАКЕДОНИЈА: Изборите штотуку поминаа, а меѓусебните обвинувања за малверзации не престануваат (TENZIJE U SEVERNOJ MAKEDONIJI: Izbori tek što su prošli, a međusobne optužbe za malverzacije ne prestaju).

Самата насловна конструкција остава впечаток дека во Република Северна Македонија постизборно е зовриена атмосферата. На српската јавност ѝ испраќа порака дека во нашата земја има некаква зголемена политичка напнатост, односно, какo што вели насловот, „тензии“. Ова, се разбира, не е точно и воопшто не одговара на реалната состојба и целокупниот амбиент во државата. Па, освен што е комплициран и предолг, насловот е претенциозен и манипулативен.

Северна Македонија минува период во кој го заокружува изборниот процес – течат предвидените законски процедури на жалбените постапки на партиите, по што Државната изборна комисија (ДИК) треба да ги соопшти конечните резултати од предвремените парламаентарни избори одржани на 15 јули. Согласно законските рокови најдоцна до 4 -ти августи треба да се конституира новиот парламетнарен состав, а потоа во рок од десет дена претседателот Стево Пендаровски треба да го додели мандатот на оној кој ќе формира мнозинство од најмалку 61 пратеник.

Навистина, во оваа фаза има политички напади, зачестени прес-конференции на партиите, обвинувања за кражба на гласови и фалсификат… Но, тоа е една сосема вообичаена постизборна ситуација, ништо поразлична од онаа што сме ја гледале во досегашните изборни циклуси.

Од друга страна, кога во насловот ќе се прочита дека некаде има тензии, очекувањата се дека од содржинскиот дел ќе се добие конкретна информација за тоа. Арно ама, внатре во самиот напис такво нешто нема. Содржината, фактички, е коректна – дава приказ на поднесените тужби од партиите кои најпрво се жалеа во ДИК за иборни нерегуларности, а откако им беа одбиени приговорите поднесоа тужби до Управниот суд.

Е сега, тука во текстот е направена грeшка, па наместо Управен наведено е дека „Алијансата за Албанците поднела 75 тужби до Уставниот суд“. Но, несомнено се работи за ненамерен превид направен од невнимание или недоволно познавање на македонскиот правен систем, што и не е голем грев.

Инаку, текстот делува како малку застарено, бидејќи говори за „поднесени тужби“, иако истиот ден кога е објавен – 22.07.2020 г. веќе има информација дека сите поднесени тужби се одбиени. Се разбира, постои можност ваквата информација во македонските медиуми да била пласирана подоцна во денот, односно откако Srbijadanas.com го објавила написот.

Сепак, останува забелешката дека насловот е тендензиозен, претеран и ја дезинформира српската публика за состојбата кај нивниот јужен сосед после изборите.

___________________________________________________________________________
Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.

 

Last modified on Недела, 26 Јули 2020 - 01:57

.

.


ПОСЛЕДНИ ВЕСТИ:

Приведени тројца дојранчани,при претрес пронајдени докази од криминални дела

Во текот на вчерашниот ден, полициски службеници од ОВР Гевгелија - Полициско

Повеќе

ВИДЕО реконструкција на патот Струма каде настана несреќата на автобусот

Бугарски абтомобилист и стручњак за сообраќајна безбедност на патиштата Мите

Повеќе

Лулзим - Херојот за 7те преживеани од несреќата во Бугарија

Лулзим Сулејмани од Прешево е еден од преживеаните патници од вчевашната

Повеќе

Maкедонски автобус се запли во Бугарија - 45 жртви

Претежно млади луѓе и деца се загинатите во несреќата во Бугарија. Според

Повеќе

Сарамандов ја започна својата работна агенда со проекти од претходникот

По приморедавањето на функцијата градоначалник на општина Гевгелија помеѓу

Повеќе

Дестини Вагнер од Белизе е Мис на Земјата за 2021

Дестини Вагнер (Destiny Wagner) од Белизе, влезе во историјата за Белизе во

Повеќе

Странци затекнати во Гевгелија протерани од државата

Мигрантската голгота се' уште трае за државјаните од кризните земји, а во

Повеќе

Подметната заклетва во Гевгелискиот Совет

Законска обврска е новоизбраните советници по верификација на мандатот за

Повеќе

Д-р Матх избран за претседател на Совет на општина Гевгелија

Денеска напладне, на првата одржана работна седница на Советот на општина

Повеќе

Конституиран новиот состав на Советот на општина Гевгелија

Со верификација на Уверенијата за избрани членови на совет на општина Гевгелија

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.