Twitter

Скратениот полициски час за време на викендот на многу граѓани им овозможи да се релаксираат малку во зеленило, во природа.

Шетачи имаше долж мостот на Вардар, но не повеќе од по двајца, на стотина метри растојание, потоа велосипедисти и пешаци по патот до Негорски Бањи, и уживатели на терените на Негорски Бањи. Спортистите се истрчуваа на игралиштето, протрчувајќи ја својата дневна тура за одржувањето кондиција, некои го пропешачија теренот, некои играа со децата. Се на се' граѓани кои се придржуваа на дистанцата од два метра растојание. Но, ниту еден не сретнавме со задолжителна маска. Демек, рекреираат поединечно.

Иако посетеноста на Негорските Бањи беше скромна, корпите за отпадоци „велат“ дека овде поминал повеќе народ од очекуваното. Тамошните одржувачи на комуналната хигиена не престасале да ги испразнат преполнетите канти за отпадоци со фрлена амбалажа, хартии, остатоци од јадења кои шетачите ги донеле со себе, бидејќи тамошниот ресторан не работи за услуги кон клиенти.

Детскиот парк беше преполн од викенд посетители кои ги опседнаа реквизитите за седенка, муабет со сокче, на по некоја цигара. Така беше и во дворовите на детските градинки во Гевгелија. Повеќе возрасни, отколку деца. На сите им треба „надворешна“ вентилација.

Короната замре во Гевгелија. Опуштање треба, но внимателно. Не знаете дали клупите на кои седевте вчера беа дезинфицирани од стопанственикот на објектот и околниот парк во Негорски Бањи. Затоа, да останеме и понатаму доследни на мерките за заштита.