Топ Новости

Македонскиот граѓанин преживува со еден до два долара дневно

Среда, 29 Јануари 2014

И вработените сиромашни, а не пак невработените. Според податоците на Светската банка, со животни трошоци од два долара дневно живее две третини од населението во Македонија, а остатокот од една третина преживува со помалку од еден долар дневно 

Државниот Заводот за статистика и Сојузот на синдикатите редовно ја пресметуваат потрошувачката кошница, која овие денови изнесува над 32 илјади денари. Договореното етапно зголемување на минималната плата од 8 на 10 илјади денари во наредните две години, претседателот на ССМ Живко Митревски го нарече историски успех. Тој денеска не беше во состојба да даде дополнителни појаснувања, а последната информација која ни е достапна е дека договорот го постигнаа владата, синдикатот и работодавачите, што кај владата ги зацврстува очекувањата дека тој и ќе се почитува.

Досегашните искуства говорат дека Законот за минимална плата во практиката се прекршуваше од страна на работодавачите. Според социологот Илија Ацески, јасно е дека најавеното покачување нема да смени ништо значајно во животниот стандард и станува збор само за психолошка игра.

„Тоа е доста провидно и дури би рекол несериозно за оние што подлабоко ги следат тие процеси. Повеќе се работи за една психолошка игра, во смисла дека минималната плата е многу ниска, па за одреден период да ја зголемиме“, вели Ацески.

Со законот за минимална плата донесен пред две години, таа беше утврдена на 8.050 денари, но сепак најзасегнатите индустрии требаше оваа плата да ја достигнат дури во 2015 година. Освен тоа, како што појаснуваат експертите, голем процент од вработените живеат под линијата на сиромаштијата. Потрошувачката кошничка што ја пресметува синдикатот не може да ја достигне преку своите месечни примања голем дел од населението.

„Имам 9.200 денари за струја за плаќање. Еве сега сум појден да платам 2-3 илјади, зошто жената сега зеде 5 илјади од завод. Јас пензијата ќе ја чекам па да доплатам. Имам 17 илјади пензија, а тројца членови сме“, го појаснува начинот на преживување на своето семејство еден анкетиран скопјанец.

Две третини од населението во Македонија живее со под два долари дневно и една третина со помалку од еден долар дневно, според податоците на Светската банка. Она што податоците индицираат гледано низ зголемувањето на разликите меѓу најниските и највисоките приходи кои се исплатени во последниве години е дека класните разлики сè повеќе се зголемуваат што голем дел од луѓето ги остава на општественото дно во тешка борба за елементарно преживување.

Last modified on Четврток, 30 Јануари 2014 - 04:18

.

.


ПОСЛЕДНИ ВЕСТИ:

Tрет ден апсења во Стар Дојран

Последната фестивалска вечер, во неделата спрема понеделникот додека трае „Д

Повеќе

Повторно апсење во Стар Дојран, пронајдена марихуана

Најпознатиот музички летен фестивал во „Дојран, „Д Фестивал“ и денеска ги полни

Повеќе

МВР: Возило кое не е регистрирано подолго од 2 години се одјавува

Министерството за внатрешни работи ја информира јавноста дека согласно

Повеќе

Приведени 18 лица во Стар Дојран

Големиот фестивалски настан што се одржува во Стар Дојран, големата посетеност

Повеќе

По втор пат одземени надлежностите на градоначалникот Сарамандов

- „Поради непостапување согласно законските овластување, градоначалникот на

Повеќе

Маричиќ: Со новиот предлог не е загрозен македонскиот јазик и идентитет

- “Со новиот предлог не е загрозен македонскиот јазик и идентитет, она што нас

Повеќе

Огграничен сообраќај за тешки товарни возила

Од денеска започна со примена времениот режим на сообраќај во летниот период,

Повеќе

Расте бројот на занаетчии во Гевгелија

Изминатите години, иако во ковид амбиент, бројот на регистрирани занаетчии во

Повеќе

Пристигна нов предлог од француското претседателство за преговарачка рамка на

До Владата на Република Македонија, преку Министерството за надворешни работи,

Повеќе

СДСМ Гевгелија: „Убав е залезот кај Топлик, ама патот до него не е земјоделски“

Гевгелискиот СДСМ по вчера одржаната 11 седница на Советот на општина Гевгелија

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.