Гевгелија вечерва на апликацијата „Мој воздух“ осамна на листата на градови во државата во категоријата „високо загаден воздух“.

Од податоците се гледа дека во 21 часот во градот на југот измерени се 105 суспендирани честички со големина до 10 микрометри PM10, а граничниот праг изнесува 50 микрограми на метар кубен. Поголема вредност од кј нас има Кичево со измерени 119 микрограми на м3, а после Гевгелија на листата на висока загаденост се општините Ѓорче Петров (98 мкг/мк) и Тетово (95 мкг/м3).

Истите податоци се измерени и во Мернатаа станица во Гевгелија, а податоците автоматски се евидентирани и во Системот за квалитет на воздух при Миниетерството за животна средина.

МЖСПП приложи неделен извештај за квалитетот на амбиенталниот воздух во државата во првата недела од јануари (04.01.-10.01.2021 г.) во кој е содржана анализа на среднодневните концентрации на PМ10 во мерните станици ширум државата.

Од анализата се забележува дека среднодневната гранична вредност за суспендирани честички со големина до 10 микрометри РМ10 (50 микрограми на метар кубен) е надмината на мерните места Центар, Гази Баба, Карпош, Лисиче, Ѓорче Петров, Битола 1, Битола 2, Гевгелија, Кавадарци, Кичево, Куманово, Тетово и Велес 2.

Од МЖСПП потенцираат дека „Прагот на информирање за РМ10 (2 последователни дена со среднодневни концентрации над 100 микрограми на метар кубен) не е надминат на ниту едно мерно место во државата“. Тоа значи дека состојбата со загаденоста е краткотрајна, а атмосферските промени влијаеле и на подобрување на квалитетот на воздухот.