Изречени 2.785 казни за неносење заштитни маски во Гевгелија и регионот

Четврток, 10 Декември 2020

Според Уредбата за заштина на населението од коронавирусот, која стапи на сила со почетокот на епидемијата, во земјата задолжително е носењето заштитни маски. Прекршувањето на оваа одредба носи парична казна како за физичките лица, така и за правно лице ако не обезбедил заштитни маски за вработените.

Во Гевгелија и регионот на надлежност на Полициска станица Гевгелија, а тоа се и општините Богданци и Дојран, во изминатите месеци заклучно до 30 ноември изречени се 2.785 казни за прекршување на Уредбата за носење заштитни маски во затворен и на отворен простор.
Тоа значи дека граѓаните од југот ќе инкасираат, (а некои веќе инкасирале) 3.425.550 денари (или 55.700 евра) во Буџетот на РСМ. Ова е вкупниот паричен износ на изречените глоби за неносење маски од страна на граѓаните од трите јужни општини кои се влеваат на приходното буџетско конто на државата.

Извештајот се однесува на изминати 223 од почетокот на важење на уредбата до 30 ноември годинава, а тоа во просек значи дека секој ден во подрачјето на надлежност на Полициска Станица Гевгелија (заедно со општините Богданци и Дојран) се изрекувале по 12,49 казни. Ова не е нималку пофално за дисциплината на регионот во однос на заштитата од ширењето на коронавирусот. Затоа и денеска Гевгелија и двете јужни општини го испишуваат 139-от ден од присуството на коронавирусот меѓу нивните граѓани во актуелниот есенско-зимски втор корона бран.  

Од воведувањето на овој прекршок до денес, на територијата на Македонија казнети се 112.515 граѓани, а во главниот град се казнети 27.933 граѓани. Изразено низ бројки, од вкупниот број на казнети граѓани на територијата на целата држава во државниот Буџет ќе се слеат 135 милиони денари, или околу 2,2 милиони евра.

Дваесет евра е казната за неносење заштитна маска за физички лица, а 2.000 евра е казната за домашни и странски фирми кои не обезбедиле заштитни маски за вработените заради заштита од коронавирусот, стои во уредбата која ја донесе Владата на 22 април годинава, а која излезе во службен Службен весник со број 107.

Во членот 2 од Уредбата е наведено дека секое домашно или странско физичко лице на територија на Северна Македонија е должно да носи лична заштита на лицето при излегување надвор од својот дом, односно при движење на јавни места и површини од отворен и затворен тип, на пазари, во јавен превоз и при влез во затворени простори на оператори кои поради нивната природа на дејност претставуваат место на собирање на повеќе лица (државни институции, маркети, продавници, банки, пошти, чекални, здравствени институции и слично).

Уредбата ќе трае до завршувањето на вонредната состојба, како и до завршување на пандемијата со КОВИД-19 прогласена од Светската здравствена организација (СЗО).

Од полицијата велат дека за среќа, поради свесноста на граѓаните и бројните укажувања до граѓаните се намалил бројот на казнети граѓани по овој основ.

 

Last modified on Четврток, 10 Декември 2020 - 20:42

.

.


ПОСЛЕДНИ ВЕСТИ:

Донесени мерките од 5-от пакет економски мерки за граѓаните и фирмите

Од присутни 114 со 113 гласа „ЗА“ Собранието го донесе Законите за финасиска

Повеќе

Две први и 1 второ место за учениците од ООУ „Крсте Мисирков“ Гевгелија

Он лајн учењето изгледа не им нашкоди на нашите ученици во постигнувањето

Повеќе

Недела на солидарноста во организација на Црвен крст Гевгелија

Црвен крст Гевгелија организира хуманитарна акција во соработка со Црвениот

Повеќе

Донација на Царинска Управа за „Родителската куќа“ на децата болни од карцином

Со традиционална хуамнитарна акција на вработените од Царинската управа, а по

Повеќе

Нова пресуда за Мијалков: 8 години затвор за „Трезор“

Вкупно 28 години затвор за четворица обвинети во случајот „Трезор“ кој се

Повеќе

Камчев останува во Шутка, одлучи Кривичниот Суд

Притворениот Орце Камчев останува зад решетки, во притвор во затворот „Скопје“

Повеќе

Почина Д-р Билјана Ичева

Докторката Билјана Ичева, (1959-2021 г.) вработена во Негорските минерални Бањи

Повеќе

Кривична пријава за гевгелиски угостител

Две кривични пријави за прекршување на здравствените прописи против ковид-19

Повеќе

МВР: Приведени шест лица од криминалната-нарко група

По вчерашната успешна акција на МВР заедно со Американската Агенција за

Повеќе

Гевгелија 1,5 век железничко-трговска трансверзала со Европа

Поставувањето на Железничката пруга во Гевгелија кон крајот на 19 век

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.