Честит празник Гевгелија - 76 години живееш во слобода!

Сабота, 07 Ноември 2020

Денес Гевгелија празнува. Во мирот на ноемвриското сонце цвеќе за благодарност од своите сограѓани современици ќе добијат народните херои, паднатите борци, носителите на Партизанска споменица од нашиот крај. Свечено се пуштија во употреба нови капитални проекти, а свечена седница ќе одржи и Советот на општина Гевгелија. Спортистите ќе трчат, велосипедистите ќе го обиколат градот во чест на 76-те години слобода. Но за да се одржи сето тоа претходеше сенародна борба против фашистичкиот окупатор и конечно влегување на ослободителната војска на НОВ и ПОЈ во слободна Гевгелија.

На овој ден, 7-ми Ноември, пред 76 години, во 1944 година, партизанските сили од гевгелискиот одред „Сава Михајлов“ формиран на Кожуф планина, спротивставувајќи се на фашистичкиот окупатор влегле и го ослободиле градот Гевгелија.

Партизаните биле дочекани со цвеќе и прегратки од жителите на Гевгелија. Со насмевки на лицето и развиорено знаме на слободата ослободителите влегле во управната зграда на Општината Гевгелија, тогаш наречена „Кметство“ според управната власт која била во рацете на бугарските окупаторски сили, како Германски сојузници и територијално надлежни за овој дел од окупирана Европа.

Од овој ден па натаму Гевгелија слободарски живее повеќе од седумипол децении.

По ослободувањето на Гевгелија и создавањето слободна територија бил формиран Народноослободителен Одбор која ја вршел функцијата на орган на народната власт, грижејќи се за снабдување на населението со основните прехранбени продукти, за општонародниот имот, за посредување во спорови меѓу граѓаните и сл. Освен тоа, НОО биле одговорни и за културно-просветниот живот на слободните територии: ги отвориле првите училишта на мајчин македонски јазик, организирале курсеви за описменување на луѓето, приредби и сл.

Завршните операции за ослободување на Македонија започнале кон крајот на летото 1944 година, предводени од Народноослободителната војска на Македонија, како составен дел од НОВ на Југославија. Народноослободителната војска на Македонија во завршните операции за ослободувањето на Македонија ја сочинувале три корпуси (15, 16 и Брегалничко-струмичкиот), во чиј состав влегуваа 7 дивизии со 22 ударни бригади, 4 артилериски бригади, 3 пионерски и една коњичка бригада.

Операциите за конечно ослободување на македонската територија се засилиле по капитулацијата на Бугарија во септември, кога народноослободителната борба добила општонароден карактер. И покрај замената на бугарските војски со германски, единиците на македонската војска во периодот од септември до ноември ги ослободиле сите градови во Македонија.

Честит празник Гевгеличани!


Насловно ФОТО: од семејниот албум на Митко Дојранлиев - партизан во НОБ и офицер во ЈНА (тој е знаменосецот кој го виори црвеното пролетерско знаме со срп и чекан на терасата од превземената општинска зграда)

 

Last modified on Сабота, 07 Ноември 2020 - 03:32

.

.


ПОСЛЕДНИ ВЕСТИ:

Воспитувачки во Белград малтретирале 2-3 годишни дечиња

Со нога на детското стомаче, шамари, тегнење за раце, заклучување.
Во

Повеќе

Собранието со 62 гласа „ЗА“ го донесе Законот за попис

Собранието денeска со 62 гласа „за“, без „воздржани“ и без „против“ го донесе

Повеќе

Џо Бајден ја превзеде функцијата претседател на САД

Со свечена церемонија на која не присуствуваше претходникот Трамп, денеска

Повеќе

Од јануари пензиите повисоки за 185 денари

Усогласувањето на пензиите со трошоците за живот донесе покачување на пензиите

Повеќе

Водици со шест крштевки во гевгелиските храмови

Вековниот празник Богојавление Водици денеска освен со водосвет во црковните

Повеќе

Угостителите со работно време до 21 часот

Владата на Република Северна Македонија на денешната 40-та седница, по

Повеќе

Водосвет годинава во црковните храмови

Пандемијата годинава ја измени и традицијата - Осветувањето на водите за време

Повеќе

АВРМ: Кредитирање на невработените до 10.000 евра за започнување сопствен бизнис

Агенцијата за вработување на Република Северна Македонија објави оглас за

Повеќе

Минусна ноќ во Гевгелија и југот

Вечерва настапуваат првите минусни температури годинава - поларниот студен бран

Повеќе

За 50% поевтинува регистрацијата на возила со странски таблички

Легална регистрација во Македонија со 50 од сто намалени трошоци е новата

Повеќе

 
 

 

 
 

Не пропуштајте ...

2014 Сите права задржани © ГевгелијаНет
Не е дозволено превземање на вестите без писмено одобрување.