Кандидатката за пратеник на СДСМ и коалицијата „Можеме“, Марија Костадинова, со видео обраќање до младите упатува на мерките и економските политики кои ги нуди нејзината изборна опција за младите.
На претстојните предвремени парламентарни избори од 1,9 милионското гласачко тело голем дел се токму младите, а нивниот избор за иднината која им претстои во своето работно и животно ефектуирање во земјава е особено битно.

Костадинова посочи дека Коалицијата „Можеме“ за сите млади кои ќе се втурнат во водите на претприемаштвото нуди:

- ОСНОВАЊЕ на фирма со минимален износ за главнина од 1 евро;
- „Нула денари“ персонален данок за сите млади (до 29 години), кои се нововработени во приватниот сектор, истиот ќе биде исплаќан од страна на државата на сметка на младите вработени лица,
- СДСМ и коалицијата „Можеме“ обезбедува грантови во висина од 5.000 до 15.000 евра за женското и младинско претприемништво, со што ја стимулира деловната инвентивност на младите;
- Доколку се решат за самостоен бизнис од областа на Информатичките технологии, тогаш персоналниот данок ќе изнесува „НУЛА“ посто“ во 2023 година;
- Просечната плата до крајот на мандатот 2024 година се обврзуваме дека ќе ја покачиме за 30 %,
- Вложуваме 2 милијарди денари во активните мерки за поддршка на вработување и самовработување.

Таа ги повика младите да бидат граѓани на современиот свет, рамноправни бизнис партнери со генерациски блиски млади луѓе од земјите на Европската Унија.