Совршено победничко деби од соништата на селекторот Кире Лазаров која ја водеше, играше и насочуваше играта над репрезентацијата на Македонија на вечерашниот дуел со Данска во рамки на квалификациите за Европското првенство (ЕП) кое ќе се игра во 2022 година.

Македонската машка ракометна репрезентација го одигра најдобриот натпревар во последниве неколку години и во дебитантскиот настап на селекторот Кире Лазаров го совлада светскиот и олимпискиот шампион Данска со 33:29.

На дебито на Кирил Лазаров како селектор, големиот фаворит, кој долго време не знаел за пораз, беше тотално надигран, а поранешниот член на Вардар и Металург, Младен Ракчевиќ беше одушевен од одиграната партија на нашите момци и среќен што неговиот пријател со победа ја започна тренерската кариера.

- „Ја презеде Македонија во тешки моменти, но Лазаров докажа дека е голем победник!“ - изјави Ракичевиќ.

Капитенот имаше пет натпревари во низа без триумф над скандинавците како играч, но на стартот на „двојната улога“ го направи она за кое сонуваше со години. Победата над Данска е најголема деби-победа за еден селектор на деби-натпреварите, со оглед на името и рејтингот на противникот.

Со триумфот во Скопје, Лазаров им се одмазди на Хансен и дружината за оној болен пораз во 2012 година на Европското првенство (ЕП) во Србија.

Слатка одмазда во Скопје, но не смее да се заборави дека в недела се гостува во Алборг, каде следи вториот дуел од евроквалификациите против светскиот и се уште актуелен олимписки првак.

Како и да е репрезентативците веќе ја славата победата, подготвени за нови достигнувања на теренот.