Малиот јубилеј - 15 годишнината од одржувањето на манифестацијата „Дојранска софра“ и годинава ќе ги собере на едно место вредните домаќинки, кулинарќи од Дојран и љубителите на дојранските специјалитети.
Некои ги познаваат од менијата на дојранските кафеани, ама вкусови за уште мераци знаат и дојранските домаќинки, а кога станува збор за неизбежните специјалитети од риба, е тука збор да нема свои марифетлуци знаат и дојранските домаќини.

Организатор на оваа фешта од вкусови е Здружението на жени „Дојрана“.

Поводот е да се презентира богатито кулинарско наследство кое се негува од дамнина на ова поднебје, пренесувано од колено на колено, од генерации на новите генерации.

Богатата трпеза со специјалитети од „Дојранската софра“ ќе биде поставена вечерва во хотел „Истатов“ во Нов Дојран. Организациониот почеток е најавен во 20:00 часот, а дегустирањето ќе трае додека има на масата (оти софрата е само традиционален збор за ниска масичка за јадење, макање, сукање).

Имате време да се одлучите дали на покана на организаторите ЗЖ „Дојрана“ ќе се упатите да им ја зголемите манифестацијата и да ги пробате познатите дојрански специјалитети: риба на трска, филети од крап, чипс од крап, ќофте од икра, домашни сукани пити, зелници, татлии, баклава со цветна форма на баклава како да е цртана од геометар, пишии, домашни слатка со плодовите од ова поднебје, шербет раванија и други гурманлаци и десерти од кои ќе ви потече мерак низ усните.

– „Сите рецепти по кои ги подготвуваме јадењата ги научивме од нашите баби и мајки од кои добивме аманет да ги пренесуваме од генерација на генерација. Ние тоа ќе го правиме и во иднина токму преку оваа манифестација“, велат организаторите, членките на Здружението на жени „Дојрана“.

Не го чекајте летото за да ги вкусите дојранските специјалитети. Имате отворена покана од вредните домаќинки од Дојран да и' се придружите на фештата на вкусови од познатата „Дојранска софра“.