Модуларната ковид болница во Гевгелија денеска ја испиша првата ковид жртва во своите простории со смртта на 73 годишен пациент од Гевгелија кој бил овде третиран со дијагноза ковид-19. Се работи за машко лице, жител на Прдејци, општина Гевгелија.
Неговата смрт се регистрираше во билансот на почината од ковид-19 како 26-та ковид жртва од Гевгелија и 34-та во регионот на надлежност на ЦЈЗ Гевгелија и Општа Болница Гевгелија.

Денеска Гевгелија и регионот немаат регистрирано новозаразени од коронавирусот, но затоа пак бележат 5-мина оздравени (3-ца во Гевгелија и 2-ца во општина Богданци).

Изминативе два дена од месец февруари вкупниот број на новопозитивни го надмина бројот на оздравени од ковид, (состојба од почетокот на 2021 г.). Заклучно со денешниот ден, од почетокот на годината до денеска, регистрирани се 165 новоинфицирани со корона, наспроти 130 оздравени. Само во месец јануари состојбата беше во двојна предност на страна на оздравените, со регистрирани 143 новозаразени и 266 оздравени. Со тоа двојната предност на оздравените билдана во текот на месец јануари, во деновите од февруари остана добредојдена само за граѓаните кои ја пребродија болеста, а не станаа фактор за надминување на корона заканата во општински и регионални рамки.

Корона статусот денеска е:
- Гевгелија - 119 активни на корона;
- Богданци - 20 активни на корона; и
- Дојран - 9 активни на корона.

Вкупниот број на хоспитализирани во Модуларната ковид Болница во Гевгелија денеска е зголемен за разлика од вчера и изнесува 10 лица со дијагноза ковид-19.