Короната продолжува да шокира, за три последователни дена има нови 29 позитивни во регионот од кои 20 се од Гевгелија.
Наместо смирување трендовите на новопозитивни и понатаму со високи амплитуди на дијаграмот на новозаразени, во нагорна линија.
Денешниот извештај го отежнува и фактот дека короната зеде уште една жртва од Гевгелија - 69 годишен пациент од Гевгелија кој почина во болнички услови. Црната корона статистика во општина Гевгелија достигна 24 изгубени битки со ковид-19 на наши сограѓани. Заедно со починатите од ковид-19 во регионот црната статистика достигна 32 жртви во регионот на трите јужни општини.
Гевгелија достигна бројка на вкупно 1.100 заразени од вирусот на XXI век, а 111 лица моментално се' уште се активни на ковид-19. Досега 965 од заразените успеале да ја пребродат корона заканата во своето тело.

Денешниот корона извештај на Институтот за јавно здравје од Скопје известува и за 17 нови позитивни лица на корона во регионот од кои 10 во рамките на општина Гевгелија, а 7-мина се жители на општина Богданци. Бројот на оздравени за изминатите 24 часа во подрачјето на надлежност на ЦЈЗ Гевгелија е 3 лица од кои 2ца се од Дојран, а 1 од Богданци.

Корона статусот во монентот е:
- Гевгелија - 11 активни на коронавирусот
- Богданци - 16 активни на вирусот ковид-19 (вкупно заразени 240, оздравени 218, а починале 6 лица како последица од корона);
- Дојран - 10 активни на корона (вкупно 95 заразени до сега, оздравени 83, починале 2 лица од компликации настанати од корона).

На државно ниво денеска ИЈЗ бележи 19 починати лица од компликации предизвикани од корона кај пациенти со ковид-19, 415 нови случаи на ковид-19 од направени 2.549 тестови, а од нив е констатирано дека 244 имаат негативен тест со што преминаа во графата на оздравени.
Во државата има се' уште 6.525 активни лица со ковид-19.