„Ја заслужуваат секоја пофалба и благодарност!“

Со ваквата мисла и желба да се искаже благодарноста на најзаслужните за одржувањето на јавното здравје, посебно во битката со вирусот кој го промени светот, денеска децата од Центарот „Мајка Тереза“ од Гевгелија ги посетија здравствените херои од Гевгелија.
Тоа се работниците, лекарите, медицинските сестри и помошниот персонал од ковид одделението, Дневниот ковид центар и пунктот за изведување корона тестови во состав на Општа Болница Гевгелија.
За пожртвуваноста, несебичната грижа, посветеноста на борбата против КОВИД-19 ги здружија на едно место, во дворот на гевгелиската Болница благодарните деца од Центарот Мајка Тереза и насмеаните лица на здравствените работници за нивната препознаена вложеност во најголемата здравствена битка на столетието - битката со короната.

Заедно со испорачаните цветови за внимание децата ги искажаа и честитките за Новата Година ипретстојните празници:
- „Денес дојдовме од името на сите деца и тимот на Центарот Мајка Тереза да Ви заблагодариме за Вашата посветеност, несебичност и грижа за граѓаните во овој период. Воедно Ви ги честитаме Новогдишните и Божиќните празници. Благодариме од срце за се'!“ - се вели во пораката од овој несекојдневен тим на благородни лица.

Секое добро за сите чинители во справувањето со овој опасен вирус.
Почит за здравствените работници, почит за искажаното внимание на нашите деца и тимот од Центарот „Мајка Тереза“.